حبيبي مابقا للشوق صوت
حبيبي مابقا للشـوق ..... صـوتٍ ماتغنّـا بـه
ولا جرحٍ على ذكره ..... سهرني مايغنّـي بـه
حبيبي يابعد نبض القلوب ..... ولهفـة احبابـه
هلا به والمحاني لا تذكّرنـي ..... تهلـي بـه
سهيت وذابت شفاه العتاب ..... بسكـر اعذابـه
وفقت ومابقا بالخاطر ..... الا طيـب ترحيبـه
اغيب اليا حضر واظما ..... وافز اشربه واحيابه
واشوفه يقطف ورود الوصال ..... ويزرع الغيبة
يطيح من الغلا دمع الفراق ..... وتكبـر الغابـة
ويولد بالوجود الشاعر ..... اللي راح يهذي بـه
اعود للمكان اللي جمعنـا ..... واشكـي غيابـه
اسولف له عن عيونه ..... وعن ملحه وتعذيبـه
ويحكي لي عن رياح الوله ..... لا هزّت ابوابـه
وقلّطها على صمت الرحيل ..... و وحشة امغيبة
يشوق ارواحنا سرب الغرام ..... ونتبع اسرابـه
نطير نفتّش بدنيا القلوب ..... العطف والطيبـة
قدر مكتوب نمشي له ..... ونفرح به ونشقا بـه
وانا لو كثرت همومي ..... غلاه لحاله مصيبـه
قدر لـولاه وعيونـه ..... وضحكاتـه وعنّابـه
وميعادٍ على ضو القمر ..... يهمس ويسري بـه
تجنّبت الطريق اللي مشابي ..... سكـة اهدابـه
ولكنّ الخفوق اللي يحبه ..... وش اسـوي بـه؟
الثلاثاء مايو 20, 2008 8:37 pm
